اعمال اولیائے کرام

اعمالِ اولیائے کرام سے مراد وہ اعمال ہیں جو کسی ولی کامل سے منسوب ہوں۔ ان اعمال کی روحانی طاقت بہت زیادہ ہوتی ہے اور فرشتوں کی غیبی مدد پڑھنے والے کے ساتھ ہوتی ہے۔ اعمالِ اولیاء سے جہاں بہت جلد فائدہ ہوتا ہے، وہیں ان کی چند شرائط بھی ہوتی ہیں۔ سب سے بڑی شرط تو گناہوں سے حتی الامکان دوری ہے۔ فرائض کی پابندی، سنت پر عمل، اولیائے کرام سے محبت اور صحیح العقیدہ ہو تو ان شاء اللہ بھرپور فائدہ اٹھائے گا اور ناممکن کو ممکن ہوتا بڑی آسانی سے دیکھے گا۔
ہماری روحانی درسگاہ میں کئی طرح کے اعمالِ اولیائے سکھائے جاتے ہیں۔ ان اعمال کی اجازت تین طرح سے دی جاتی ہے۔
اول) اجازت کے بعد زکوٰۃ بھی دلوائی جاتی ہے یعنی عمل بھی کروایا جاتا ہے۔ یہ طریقہ ہر اس شخص کے لیے ہے، جو عملیات کے شعبے میں ابھی مبتدی کی حیثیت رکھتا ہے۔
دوم) خاص اجازت کے ساتھ مختصر عمل کروایا جاتا ہے۔ یہ طریقہ صرف عاملین کے لیے ہے یا ان افراد کے لیے جن کی روحانی طاقت زیادہ ہو۔
سوم) صرف خاص اجازت دی جائے۔ یہ طریقہ صرف ان عاملین کے لیے ہے جنہوں نے پہلے اعمالِ اولیاء کے عمل کیے ہوں۔ صرف برکت کے لیے مزید اجازت چاہ رہے ہوں۔ مثلاً کوئی پہلے سے ہی حزب البحر کا عامل ہو اور مزید برکت کے لیے اجازت لینا چاہ رہا ہو تو اس کو اجازت دی جاتی ہے اور کوئی عمل نہیں کروایا جاتا۔

اجازت کا طریقۂ کار

اعمالِ اولیائے کرام کے کسی بھی عمل کی اجازت کا کوئی ھدیہ نہیں لیا جاتا۔ برکت کے لیے ہر خاص و عام اجازت لے سکتا ہے۔ اجازت کے لیے ماہنامہ خزینۂ روحانیات کے آخری صفحے پر دیا گیا کوپن پُر کرکے روحانی درسگاہ کو ارسال کر کے اجازت لی جا سکتی ہے۔ یہ اجازت بزرگوں کے طرز پر دی جاتی ہے۔
اگر برکت کی بجائے عاملوں کے طرز کی اجازت درکار ہو تو اس کا ھدیہ ادا کرنا ہوتا ہے۔ عاملوں کے طرز سے مراد ہے کہ اس خاص عمل کی غیبی طاقتوں سے غائبانہ تعلق قائم ہو جائے اور دیگر عملیات کی طرح اس عمل کو بھی روحانی علاج میں استعمال کرکے خود بھی فائدہ اٹھایا جائے اور عوام الناس کو بھی فائدہ پہنچایا جائے۔ جو کرنا چاہیں، وہ روحانی درسگاہ رابطہ کرکے مزید تفصیلات پوچھ سکتے ہیں۔
 

روحانی درسگاہ میں درج ذیل اعمالِ اولیا کے عمل کروائے جاتے ہیں:۔

دعائے حزب النصر الاکبر	دعائے حزب النصر	دعائے حزب البحر
امام الاولیاء غوث الاعظم پیرانِ پیر حضرت اقدس عبد القادر جیلانی نور اللہ مرقدہ کی دشمنوں کے لیے ایک خاص دعا جو طریقہ قادریہ بودشيشيہ میں پڑھی جاتی ہے۔	ولی کامل شیخ ابو الحسن شاذلی رحمۃ اللہ علیہ کا عمل جو ہر طرح کے دشمن کے خلاف خاص ہتھیار بھی ہے اور مضبوط روحانی ڈھال بھی ہے۔	ولی کامل شیخ ابو الحسن شاذلی رحمۃ اللہ علیہ کا عمل جو دینی اور دنیاوی ہر جائز مقصد کے لیے بہت مجرب ہے۔ خاص کر رزق کے معاملات میں بہت مجرب ہے
برکات مکیہ	دلائل الخیرات	دعائے حزب البر
حضرت مولانا محمد موسٰی  روحانی بازی رحمۃ اللہ کی درود شریف پر مشتمل کتاب جس کے باقاعدہ ورد سے بہت روحانی ترقی ہوتی ہے۔	درود شریف کے مجموعے کی مشہور کتاب۔ اولیائے سلاسل کے ورد میں رہنے والی کتاب۔ روحانی ترقی کے لیے لاجواب ہے۔	ولی کامل شیخ ابو الحسن شاذلی رحمۃ اللہ علیہ کا عمل جو ہر جائز دنیاوی اور دینی مقاصد کے لیے مجرب ہے۔
قصیدۂ طوبٰی	قصیدۂ بردہ	قصیدۂ غوثیہ
اسماء الحسنٰی پر مشتمل عمل جو حضرت مولانا محمد موسٰی روحانی بازی رحمۃ اللہ علیہ کا عمل ہے اور بے شمار فوائد کا حامل ہے۔	روحانی ترقی، حصار اور ہر جائز حاجات پورا ہونے کے لیے بہت مفید ہے۔	غوث الاعظم پیرانِ پیر حضرت اقدس عبد القادر جیلانی نور اللہ مرقدہ کا خاص قصیدہ۔
		قصیدۂ حسنٰی
		اسماء النبی صلی اللہ علیہ وسلم پر مشتمل عمل جو حضرت مولانا محمد موسٰی روحانی بازی رحمۃ اللہ علیہ  کاعمل ہے اور بے شمار فوائد کا حامل ہے۔

 کاپی رائٹ © تمام جملہ حقوق محفوظ ہیں۔ دارالعمل چشتیہ، پاکستان  -- 2022

Follow @RuhaniDarsgah 

Subscribe for Updates

Name:

Email: