Zalim, Dushman, Hasideen Ki Shararat Aur Asma-e-Husna ;; ظالم، دُشمن، حاسدین کی شرارت اور اسمائے حسنٰی

ظالم،دشمن،حاسدین کی
شرارت اور اسمائے حُسنی

عزیر احمد مفتاحی قاسمی

دشمن پر فتح پانے کے لئے

خاصیت تین روزے رکھے اور چوتھے دن ایک مجلس میں ستر بار الخافض پڑھے تو دشمن پر فتح حاصل کرے۔

دشمن کو مغلوب اور پست کرنے کے لئے

خاصیت دشمن قوی ہو، اس کو دفع کرنے سے عاجز ہو توتھوڑاآٹا گوندھے اور اس کی ایک ہزار گولیاں بنائےاور ایک ایک گولی اٹھاکر’’ یا قوی ‘‘کہے اور دشمن کے دفع ہونے کی نیت سے مرغ کے آگے ڈالے۔ اللہ تعالی اس کے دشمن کو مغلوب اور پست کردے۔

ظالم و حاسد کے شر کو دفع کر نے کے لئے

خاصیت اگر کوئی کسی ظالم وحاسد سے ڈرتا ہو تو پچھتر۷۵ بارالمذل پڑھے اور سجدہ میں جاکر کہے کہ یا اللہ فلاں ظالم کے شر سے امن دے تو اللہ تعالی اس کے شر کو دفع کردے گا۔

بادشاہ کا غصہ دفع ہو نے اورحاسدوں،۔
دشمنوں کی زبان بند ہو نے کے لئے

خاصیت اگر اس نام کو ہمیشہ پڑھتا رہے تو حاسدوں اور دشمنوں کی زبان بند ہو اور بادشاہ کا غصہ دفع ہو جائے۔

جنگ جیتنے کے لئے

خاصیت اگر حکام اور والیان ملک اس کو کثرت سے پڑھے تو سب لوگ ان سے ڈرے اور ان کی مہمیں بخوبی مکمل ہو۔

چور،دشمن،برے ہمسایہ سے خوف کے وقت

خاصیت جو کوئی چور،دشمن،برے ہمسایہ یا نظربد لگنے سے ڈرے تو جمعرات سے شروع کرے اور آٹھ دن تک صبح شام دونوں وقت حسبی اللہ الحسیب پڑھا کرے، ان شاء اللہ ان چیزوں کے شر سے بچ جاوے۔