اعمالِ اولیائے کرام سے مراد وہ اعمال ہیں جو کسی ولی کامل سے منسوب ہیں۔ ان اعمال کی روحانی طاقت بہت زیادہ ہوتی ہے اور فرشتوں کی غیبی مدد پڑھنے والے کے ساتھ ہوتی ہے۔ اعمالِ اولیاء سے جہاں بہت جلد فائدہ ہوتا ہے، وہیں ان کی شرائط بھی ہیں۔ سب سے بڑی شرط تو گناہوں سے حتی الامکان دوری ہے۔ فرائض کی پابندی، سنت پر عمل، اولیائے کرام سے محبت اور صحیح العقیدہ ہو تو ان شاء اللہ بھرپور فائدہ اٹھائے گا اور ناممکن کو ممکن ہوتا بڑی آسانی سے دیکھے گا۔
ہماری روحانی درسگاہ میں کئی طرح کے اعمال ِ اولیائے سکھائے جاتے ہیں۔ ان اعمال کی اجازت تین طرح سے دی جاتی ہے۔
اول) اجازت کے بعد زکوٰۃ بھی دلوائی جاتی ہے یعنی عمل بھی کروایا جاتا ہے۔ یہ طریقہ ہر اس شخص کے لیے ہے، جو عملیات کے شعبے میں ابھی مبتدی کی حیثیت رکھتا ہے۔
دوم) خاص اجازت کے ساتھ مختصر عمل کروایا جاتا ہے۔ یہ طریقہ صرف عاملین کے لیے ہے یا ان افراد کے لیے جن کی روحانی طاقت زیادہ ہو۔
سوم) صرف خاص اجازت دی جائے۔ یہ طریقہ صرف ان عاملین کے لیے ہے جنہوں نے پہلے اعمالِ اولیاء کے عمل کیے ہوں۔ صرف برکت کے لیے مزید اجازت چاہ رہے ہوں۔ مثلاً کوئی پہلے سے ہی حزب البحر کا عامل ہو اور مزید برکت کے لیے اجازت لینا چاہ رہا ہو تو اس کو اجازت دی جاتی ہے اور کوئی عمل نہیں کروایا جاتا۔

اجازت کا طریقۂ کار

اعمالِ اولیائے کرام کے کسی بھی عمل کی اجازت کا کوئی ھدیہ نہیں لیاجاتا۔ برکت کے لیے ہر خاص و عام اجازت لے سکتا ہے۔ اجازت کے لیے ماہنامہ خزینۂ روحانیات کے آخری صفحے پر دیا گیا کوپن پُر کرکے روحانی درسگاہ کو ارسال کرکے اجازت لی جاسکتی ہے۔یہ اجازت بزرگوں کے طرز پر دی جاتی ہے۔
اگر برکت کی بجائے عاملوں کے طرز کی اجازت درکار ہو تو اس کا ھدیہ ادا کرنا ہوتا ہے۔ عاملوں کے طرز سے مراد ہے کہ اس خاص عمل کی غیبی طاقتوں سے غائبانہ تعلق قائم ہونا۔جو کرنا چاہیں، وہ رابطہ کرکے مزید تفصیلات پوچھ سکتے ہیں۔
 

اعمالِ اولیائے کرام کے کسی بھی عمل کا کوئی ھدیہ نہیں ہے۔ جو کرنا چاہیں، وہ رابطہ کرکے مزید تفصیلات پوچھ سکتے ہیں۔

ولی کامل شیخ ابو الحسن شاذلی رحمۃ اللہ علیہ کا عمل جو دینی اور دنیاوی ہر جائز مقصد کے لیے بہت مجرب ہے۔ خاص کر رزق کے معاملات میں بہت ہی مجرب ہے اور عرصہ سے اولیائے کرام کا معمول ہے۔

دعائے حزب البحر
ولی کامل شیخ ابو الحسن شاذلی رحمۃ اللہ علیہ کا عمل جو ہر طرح کے دشمن کے خلاف خاص ہتھیار بھی ہے اور مضبوط روحانی ڈھال بھی ہے۔ دشمن چاہے انسانی ہو یا جناتی و شیطانی ہو، چاہے حاکمِ وقت ہی کیوں نہ ہو، اس دعا کی برکت سے کچھ نہ کر سکے گا۔ دین کا کام کرنے والوں کے لیے خاص تحفہ ہے۔ دعائے حزب النصر
امام الاولیاء غوث الاعظم پیرانِ پیر حضرت اقدس عبد القادر جیلانی نور اللہ مرقدہ کی دشمنوں کے لیے ایک خاص دعا جو طریقہ قادریہ بودشيشيہ میں پڑھی جاتی ہے۔ دعائے حزب النصر الاکبر
ولی کامل شیخ ابو الحسن شاذلی رحمۃ اللہ علیہ کا عمل جو ہر جائز دنیاوی اور دینی مقاصد کے لیے مجرب ہے۔ دعائے حزب البر
درود شریف کے مجموعے کی مشہور کتاب۔ اولیائے سلاسل کے ورد میں رہنے والی کتاب۔ روحانی ترقی کے ساتھ ساتھ نبی کریم صلی اللہ علیہ وسلم کی قربت اور زیارت اور روحانی فیض کا آسان طریقہ۔ دلائل الخیرات

 

مختلف درود شریف پر مشتمل حضرت مولانا محمد موسٰی روحانی بازی رحمۃ اللہ علیہ کی کتاب جس کے باقاعدہ ورد سے روحانی ترقی ہوتی ہے، نبی کریم صلی اللہ علیہ وسلم کی زیارت ہوتی ہے۔ نیزخاص روحانی حصار بھی ہوتا ہے۔ برکات مکیہ

 

غوث الاعظم پیرانِ پیر حضرت اقدس عبد القادر جیلانی نور اللہ مرقدہ کا خاص قصیدہ۔ اس کے عامل پر آسانی سے جادوگروں کے وار نہیں چلتے۔ جنات خود تابعداری کی طرف آتے ہیں۔ دینی اور دنیاوی ہر مقصد کے لیے مجرب ہے۔ قصیدۂ غوثیہ
روحانی ترقی، حصار اور ہر جائز حاجات پورا ہونے کے لیے بہت مفید ہے۔ قصیدۂ بردہ
اسماء الحسنٰی پر مشتمل عمل جو حضرت مولانا محمد موسٰی روحانی بازی رحمۃ اللہ علیہ کا عمل ہے اور بے شمار فوائد کا حامل ہے۔ دینی اور دنیاوی ہر مقصد کے لیے مجرب ہے۔ قصیدۂ طوبٰی
اسماء النبی صلی اللہ علیہ وسلم پر مشتمل عمل جوحضرت مولانا محمد موسٰی روحانی بازی رحمۃ اللہ علیہ کا عمل ہے اور بے شمار فوائد کا حامل ہے۔ دینی اور دنیاوی ہر مقصد کے لیے مجرب ہے۔ قصیدۂ حسنٰی

کاپی رائٹ © تمام جملہ حقوق محفوظ ہیں۔ دارالعمل چشتیہ، پاکستان  -- 2017



Subscribe for Updates

Name:

Email: